"Lohpádus"
Narratiivvalaš seaidnetekstiila Lohpádusas lean sirdán čuovgagova ja herven dan ságganteknihkain. Govva lea láserámma siste, mii doalvu mu iežan mánnávuhtii.
Eatni Eanu orui min lahkosiin ja go olgočuovga oidnui, de dat lei mearka munnje boahtit. Boares bártni orrunvisti ii lean álohii nu čorgat, muhto doppe lei čuvgesturkosa gievkkanskábe. Skábes mu vurde njálgát, dávjá Fazera buoremusat dehe Riebannjálgát.
Eanu čájehii munnje beroštumi, go muittii mu márkanreaissustis. Muittán biipoduhpáthája, mii lea njammasan sihke biktasiidda ja olles orrunvistti siskkobeallái.
In oahppan dovdat su olmmožin, muhto lean gullan sus fearániid.
Máidnasa mielde Eanu lei muhtumin leamaš ráhkásnuvvan ja goase headjabiellut juo čuodjan. Vihačiŋat ledje duddjojuvvon. Heajat eai goassige šaddan, go Moarsi manai nubbái. Máidnasa mielde Moarsi ii leange luohttán Ednui. Vai leigo Eanu dušše háliidan ođđa gávtti?
1940-logu stiilla mielde gorron gákti Lohpádus govahallá irggi vihagávtti, man duođas lean gorron iežan bárdnái.
”Lohpádus” 2021
Govat Johanna Labba